UVIÉU, 22 de Xunetu (EUROPA PRESS)
El presuntu asesín de la muyer Karla Bélen P.M., natural d'Ecuador y con residencia n'Uviéu, na playa de La Hípica de Melilla, Abdelwahid A., volvió reconocer los fechos nuna declaración realizada esti vienres per videoconferencia y la maxistrada del Xulgáu de Violencia sobre la Muyer d'Uviéu procedió a ratificar dicha orde de prisión, provisional, comunicada y sin fianza, nun siendo descartable qu'al presu pudieren treslladalu de centru penitenciariu nes próximes selmanes.
No que cinca a la situación del menor, el fíu de dambos d'un añu d'edá, queda pendiente la decisión xudicial definitiva, por cuenta de celebrar los próximos díes les preceptives audiencies. De momentu, el neñu ta en situación d'acoyimientu provisional colos sos tíos maternos, tres una decisión alministrativa de los Servicios Sociales de Melilla.
Abdelwahid A., entregóse voluntariamente hores dempués de cometer presuntamente'l crime, el 10 de xunetu, al personase nes dependencies de la Xefatura Superior de Policía col fíu de dambos, d'un añu d'edá, en brazos.
