Karzai pide'l cese de bombardeos sobre poblaciones afganes y un autogobiernu rápido

Reuters

MÚNICH, 8 de Febreru (Reuters/EP)

El presidente d'Afganistán, Hamid Karzai, reclamó esti domingu a les fuerces de la coalición el cese de los bombardeos sobre les poblaciones afganes pa que nun vuelvan producise nueves muertes de civiles. Karzai defendió amás demientres la so participación na Conferencia Añal de Seguridá de Múnich qu'Afganistán debe recuperar la so independencia xudicial completa mui pronto.

"Pensamos que la guerra contra'l terror nun ta nes poblaciones afganes y nes families afganes. Creemos qu'esta guerra contra'l terror desarróllase nos santuarios, nos campos d'entrenamientu y sobre los factores de motivación y los recursos financieros de más p'allá de les fronteres afganes", declaró Karzai.

"Poro, qu'acaben les operaciones nos pueblos afganes ye la prioridá de les xentes d'Afganistán: qu'acaben les incursiones nocherniegues nes families afganes, y qu'acaben col arrestu d'afganos nes sos propies cases", señaló.

De la mesma manera, Karzai encamentó a les organizaciones non gubernamentales estraxeres, organismos internacioanles y funcionarios de les Naciones Uníes que pongan fin a la so "actividá paralela" y trabayen como defensores y non como competidores del Gobiernu afganu. "Cualquier actividá conducida paralelamente a la del Gobiernu d'Afganistán polos nuesos amigos internacionales (...) mina la realidá del Estáu afganu y les sos instituciones, y nun funcionará", alvirtió Karzai.