UVIÉU, 22 d'Ochobre (EUROPA PRESS)
L'Academia de la Llingua Asturiana presenta mañana en Sama el manual Xeitu, "pal deprendimientu de la llingua asturiana, y que fai'l númberu 2 de la coleición 'Erbíes', según esplicó nun comunicáu la entidá.
Según el testu, Xeitu ye'l primer manual de llingua asturiana dirixíu dafechu a l'alfabetización d'adultos. Recueye non sólo gramática y exercicios sobre la llingua, sinón tamién testos d'estremáu carácter (lliterarios, rellacionaos cola llingua na cai, cola cultura tradiciona...) que s'axusten a les demandes del alumnáu de los cursos d'asturianu p'adultos.
La presentación quier facese en Llangréu "como reconocencia a los altos niveles d'usu y escolarización que la llingua asturiana siempre tuvo nesti conceyu", añadió l'Academia. Nel actu intervendrán la Conceyala de Cultura, Turismu y Política Llingüística del Ayuntamientu de Llangréu, Ana Oliva Rodríguez García, la presidenta de l'Academia de la Llingua Asturiana, Ana Cano González y el responsable de Formación de l'Academia de la Llingua Asturiana, D. Xosé Antón González Riaño .
L'actu tendrá llugar a les 12.30 hores na Casa la Cultura de Sama.
