BILBAO, 15 Ene. (EUROPA PRESS) -
Euskaltzaindia va pidir al Ministeriu de Xusticia español que sía "más flexible" col nomenclátor vascu. La Real Academia de la Llingua Vasca recordó que ye la institución consultiva oficial en temes rellacionaos col vascu, "y como tal ha de llindase a la llei, nesti casu a la llexislación del Rexistru Civil, qu'esixe asociar cada nome a un xéneru concretu".
De la mesma, añadió que'l nomenclátor vascu, que la Comisión d'Onomástica revisa con periodicidá, "axunta les sos propies característiques", polo que'l presidente de Euskaltzaindia, Andres Urrutia, manifestó que "hai que tener en cuenta les característiques propies del nomenclátor en vascu sobre diferenciación de xéneros, porque de lo contrario taríamos aplicando al vascu criterios propios de los idiomes románicos, y eso nun tien lóxica".
Esta ye una de les razones qu'impulsen la demanda de l'Academia, que considera que sería conveniente tener un sistema más "transixente" pa facilitar les inscripciones, "afaciendo les esixencies del Rexistru Civil a les realidaes sociales nueves".
