UVIÉU, 20 Oct. (EUROPA PRESS) -
L'Academia de la Llingua Asturiana (ALLA) va presentar esti vienres a les 19.00 hores na Casa Natal de Xovellanos en Xixón el númberu 33 de 'Lliteratura', la revista lliteraria qu'edita la institución y qu'inclúi collaboraciones de prosa, poesía, crítica y ensayu. Nesta ocasión, 'Lliteratura' ye un monográficu dedicáu a les escritores asturianes.
Nel actu en Xixón, amás de les autores que collaboren nesti númberu, van participar el secretariu de l'Academia, Xosé Ramón Iglesias Cueva; la directora de la Fundación Municipal de Cultura, Eduación y Universidá Popular del Conceyu de Xixón, Raquel Huergo Rodríguez; y la directora de la revista y vicepresidenta de l'Academia, Marta Mori.
