UVIÉU, 22 de Mayu (EUROPA PRESS)
L'alcalde de Pravia, Antonio de Luis Solar, anunció esti miércoles la so renuncia a la presidencia de la Federación Asturiana de Conceyos (FACC), cargu qu'ocupaba hasta agora, y, amás d'ello, tamién a la vocalía a la que-y da accesu.
Según indiquen dende la FACC en nota prensa, esta decisión tien como oxetu "caltener", tanto a la FACC como a la FSA-PSOE "de les consecuencies futures que pudieren derivase" de la so actuación por avalar, en nome del Conceyu, a una empresa pa l'alquisición de parquímetros, dempués de que los sos impagos ficieron a la entidá bancaria facer una reclamación a la intervención municipal.
"Una vez presentaes estes renuncies, d'equí p'alantre, como alcalde de Pravia voi dedicar tolos mios esfuerzos a solucionar los problemes que, derivaos de la mio actuación, pudiera xenerar nel Conceyu pravianu, cola seguridá de que la mio actuación nun va tener nenguna repercusión nes arques municipales", afirmó Antonio de Luis nel escritu. De la mesma manera, señaló que va adoptar les midíes polítiques en relación al so cargu como alcalde que considere "oportunes".
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
.png)