UVIÉU, 18 de Febreru (EUROPA PRESS)
El Serviciu de Pediatría del ambulatoriu de L'Infiestu repartirá regalará a les madres un exemplar del 'Llibru del Naciatu', un llibru de nacimientu en llingua asturiana, pa que nél vayan dexando constancia de la evolución del bebé.
Esta iniciativa presentaráse'l próximu llunes, 21 de febreru, Día de la Llingua Materna. Según explicó'l Serviciu de Normalización Llingüística del Conceyu de Piloña, ésta será "la primer de les campañes sociales que va ver la lluz nesti conceyu". El 'Llibru del naciatu' será "un álbum que se va regalar a tolos y toles recién ñacíes al traviés delServiciu de Pediatría del ambulatoriu de L'Infiestu". "Nel llibru, presentáu nun formatu guapu y vistosu, pue dise siguiendo y apuntando la evolución de los rapacinos dende les ecografíes, les primeres semeyes, la güelga, les vacunes, les ñavidaes, les primeres vacaciones hasta los 3 años quedando como un guapu recuerdu d'esta época", esplica la nota.
La presentación va ser el llunes 21 a les 11 nel salón d'actos de la Casa Cultura de L'Infiestu, y va contar cola presencia de Camilo Montes Díaz, alcalde de Piloña, y Paula Cristóbal Caso, responsable del Serviciu de Normalización Llingüística.
