UVIÉU, 16 Mar. (EUROPA PRESS) -
El Muséu Arqueolóxicu d'Asturies inauguró una gran muestra fotográfica del Real Sitiu de Cuadonga nel marcu de la celebración de Cuadonga centenarios 2018. La muestra recueye 239 imaxes que van dende de 1863 hasta los años 90 del sieglu pasáu y onde se muestra la evolución de l'arquitectura y tola actividá social alredor del Santuariu, pasando pela Guerra Civil y la emigración.
Asina lo esplicó en declaraciones a los medios el director del Muséu del Pueblu d'Asturies, Juaco López. La muestra ta entamada pola Conseyería d'Educación y Cultura y l'equipamientu museísticu xixonés y ta integrada nes 125 actividaes que busquen conmemorar los Centenerarios. Na inauguración participaron el conseyeru de Presidencia, Guillermo Martínez, y l'alcaldesa de Xixón, Carmen Moriyón.
En declaraciones a los medios, el conseyeru señaló que se trata d'una "magnifica esposición" de la que destacó la calidá y la divulgación. Amás, informó que depués va treslladase a Cangues d'Onís, polo que destacó la collaboración ente instituciones pa ellaborar tola programación de los Centenarios.
Per otru llau, na presentación de la muestra, Carmen Moriyón, emponderó la importancia identitaria y sentimental de Cuadonga como "guañu y alma d'Asturies". Tamién afirmó que la esposición supón "un motivu d'arguyu pa los xixoneses" y afaló'l llabor del Muséu del Pueblu d'Asturies "porque les instituciones culturales son les que puen dar continuidá al nuestru patrimoniu".
FOTOGRAFÍES
Según esplicó Juaco López a los medios, na esposición van podese ver 239 fotografíes que provienen de toles comarques asturianes, pero tamién de la emigración, con imaxes de la construcción de la Basílica o la vuelta de la Santina a Cuadonga de París depués de la Guerra Civil.
"Pue vese la evolución de l'arquitectura y tola actividá social alredor del Santuariu", señaló López, que destacó'l conxuntu de la muestra "y un arguyu pa tolos asturianos de qu'exista una institución como'l Muséu del Pueblu d'Asturies, con más d'un millón d'un fotografíes".
