UVIÉU, 15 Ene. (EUROPA PRESS) -
El vienres 19 de xineru, a les 19.30 hores, va celebrase nel Aula Magna de la Universidá d'Uviéu, l'actu d'entrega de Premios de la Crítica y de les Lletres 2017, otorgaos pola Asociación d'Escritores d'Asturies y que premien los meyores llibros d'autores nacíos o residentes n'Asturies con obres publicaes l'añu anterior a la convocatoria.
Nesi sentíu, l'Asociación d'Escritores d'Asturies decidió conceder el Premiu de les Lletres, a títulu póstumu, a Mariano Aries Páramo, --que morrió nel mes de mayu pasáu-- pola calidá de la so obra, compuesta por numberoses y variaes publicaciones.
Per otru llau, n'asturianu van ser premiaos el poemariu 'La casa', d'Elias Vega, y en narrativa 'Lluvia d'agostu', de Francisco Álvarez. Otra manera, en castellanu, la novela ganadora ye 'El ojo vago', de Xandru Fernández.