UVIÉU, 18 d'Avientu (EUROPA PRESS)
L'Audiencia Provincial d'Uviéu ordenó l'abertura de xuiciu oral a 15 implicaos na 'Operación Marea' por corrupción, según informó al traviés de twitter el Poder Xudicial.
Ente los imputaos definitivos alcuéntrense l'ex conseyeru d'Educación del Principáu d'Asturies, José Luis Iglesias Riopedre; la ex directora xeneral de la Conseyería d'Educación, María Jesús Otero; y la ex xefa de serviciu, Marta Renedo Avilés, amás de dellos empresarios y funcionarios de dellos conceyos conceyos.
La Estaya Tercera de l'Audiencia Provincial d'Uviéu considera que de les actuaciones practicaes entiéndese que los fechos investigaos guarden calteres de delitu y añade ocho imputaos a los yá incluyíos nos escritos presentaos por Fiscalía y el Principáu d'Asturies.
El casu saltó a la lluz pública en xineru del 2011, cuando arrestaron a Riopedre, Renedo y Otero, que cumplieron dellos meses de prisión preventiva. Los trés taben investigaos por una supuesta trama de corrupción na contratación pública d'Alministración autonómica asturiana, igual que los empresarios Víctor Manuel Muñiz, de la empresa Igrafo, y Alfonso Carlos Sánchez, de la empresa Almacenes Pumarín.
