UVIÉU, 23 Abr. (EUROPA PRESS) -
El diputáu de Foru Asturies Pedro Leal criticó esti domingu la campaña en favor de la oficialidá del asturianu, al considerar que se trata d'una "operación política esbarriada que ta perxudicando gravemente la so protección". Amás, considera que va "al rebufu del desafíu independentista catalán".
Nesti sentíu precisó en nota de prensa que "la cooficialidá copiada de Cataluña o País Vascu supon obligatoriedá d'enseñanza y imposición d'usu, que son dos característiques que la mayoría de los asturianos refuguen".
En vez d'eso, abogó pola continuidá del marcu actual, cola llei de 1998, "que tien muncho desarrollu ensin conflictu" énte la cooficialidá copiada de Cataluña y el País Vascu polos radicales".
"Los que güei pretenden convertir l'asturianu o bable nuna barrera, torga o frontera que dixebre y enfrente a los asturianos, nun ayuda'l so usu y promoción", llamentó.
Nesti sentíu refirióse a la eistencia de "dos campañes radicales engarraes", la del PP nel so estremu contrariu a la oficialidá, y la de la "ultraesquierda". Dambes, dixo, "tán faciendo bien de dañu al ciñu y al respetu que la mayoría de los asturianos sentimos pola nuestra llingua tradicional".
