MADRID, 19 d'Avientu (EUROPA PRESS)
L'empresariu qu'empotró'l so coche na sede del PP llámase Daniel Pérez Berlanga y tien 37 años, según dixeron a Europa Press fontes policiales.
Trátase d'un empresariu con problemes económicos que llanzó'l so coche contra l'edificiu con dos bombones de butanu y una sustancia inflamable. Yá ta deteníu pola Policía.
Según les mesmes fontes, axentes de los Tedax desplazáronse al llugar pa investigar la carga del coche y activaron el protocolu de seguridá p'artefactos esplosivos.
El socesu dexó dellos daños materiales anque non firíos. La Policía pidió a los trabayadores de la zona que nun acudan a los sos puestos hasta que se compruebe la carga del vehículu.
