León (Podemos) apela a la "responsabilidá" de Javier Fernández (PSOE) pa facilitar l'entendimientu

Contador
Emilio León
EUROPA PRESS
Publicado 07/12/2017 13:57:37CET

UVIÉU, 7 Dic. (EUROPA PRESS) -

El portavoz de Podemos na Xunta Xeneral, Emilio León, apeló esti xueves a la "responsabilidá" del presidente del Gobiernu asturianu, Javier Fernández, pa sacar alantre los presupuestos de 2018. "Ye'l Gobiernu el que tien los mayores recursos y resortes pa facilitar l'entendimientu con otres formaciones", señaló León a los medios enantes d'axuntase col rector de la Universidá d'Uviéu, Santiago García.

"Fernández entendióse meyor col PP que con otros partíos. Refugó alcuerdos en materies fundamentales con otres formaciones, especialmente con Podemos", señaló León.

Amás, el portavoz de Podemos convida a Javier Fernández a que "si nun ta dispuestu a asumir la so responsabilidá como presidente, quiciabes tenga que dexar sitiu al siguiente".

"Espliquemos mentes la moción presupuestaria al PSOE que facíen falta cambios y orientaciones nueves na política, desgraciadamente nos presupuestos vemos qu'esto nun se tresllada abondo", llamentó León.

Emilio León, acompañáu pol diputáu asturianu nel Congresu, Segundo González, axuntóse esti xueves col rector de la Universidá d'Uviéu pa pidi-y la so collaboración nel procesu d'enmiendes de la llei de práctiques n'empreses y pa ufierta-y la so collaboración pal reglamentu internu de práctiques de la Universidá d'Uviéu.

REGULACIÓN DE PRÁCTIQUES

"Celebramos que la Universidá quiera avanzar na regulación interna de les práctiques pa evitar el fraude y garantizar unos derechos mínimos a los becarios", señaló'l diputáu del Congresu.

Según González, les "beques en fraude" son un fenómenu xeneralizáu n'España. Cola proposición presentada la selmana pasada nel Congresu de los Diputaos, la formación morada busca "dotar d'unes condiciones mínimes a los estudiantes que realicen práctiques n'empreses, incluyendo una remuneración en base al salariu mínimu.

Entre les cuestiones que planteen ta que nun se puedan repitir práctiques na mesma empresa y nel mesmu puestu de trabayu, llimitación del númberu d'hores, asegurar que l'horariu sía diurnu y la llimitación del númberu d'estudiantes en práctiques por cada empresa.

Esta web utiliza cookies propias y de terceros para analizar su navegación y ofrecerle un servicio más personalizado y publicidad acorde a sus intereses. Continuar navegando implica la aceptación de nuestra política de cookies -
Uso de cookies