Les cofradíes asturianes van pidir caltener la vida del bocarte tol añu, en llugar de prollongala hasta xunu

UVIÉU, 19 de Payares (EUROPA PRESS)

La Federación de Cofradíes de Pescadores d'Asturies va proponer al restu de federaciones del Cantábricu pidir a la UE que la veda del bocarte se caltenga demientres tol añu, en llugar de prollongala hasta xunu del añu que vien.

Polo menos ésa ye la postura que va defender el presidente de la federación, Dimas García, nel próximu conceyu interfederativu de les cuatro comunidaes autónomes, que pesquen n'agües cantábriques: Galicia, Asturies, Cantabria y País Vascu. Nesti alcuentru, los pescadores d'estos territorios van decidir los pasos a dar ante la decisión de la Unión Europea de prollongar la veda del bocarte hasta'l próximu mes de xunu, y una vez conocida la decisión del Gobiernu d'España d'apoyar esta recomendación.

Los pescadores asturianos son contrarios a esta noticia, pero Dimas García recuerda que, de magar xunetu, les embarcaciones del Cantábricu se dediquen al principalmente al bonitu y al atún, lo cual va beneficiar a los pescadores franceses, qu'esi momentu van tener abierta la veda del bocarte, en perxuiciu de les federaciones del noroeste. Por esti motivu, "si va siguir peslláu, que siga tol añu", afirmó García.

Los pescadores cantábricos lleven cuatro años ensin poder salir al bocarte, pola recomendación europea. Sin embargu, son críticos cola midida, pues caltienen que la mesma nun repercute nun aumentu de la población d'esti pexe.