Les families declaraes en quiebra duplicáronse nel 2009 en toa España

MADRID, 08 de Febreru (EUROPA PRESS)

Les families que se declararon en concursu d'acreedores (suspensión de pagos y quiebres) ante la imposibilidá de facer frente a los sos pagos y deudes ascendieron a 938 demientres el 2009, lo que supón un incrementu del 132,2% sobre'l 2008.

Pela so parte, les empreses concursaes multiplicáronse por más de cinco l'añu pasáu (+466,4%), con 4.984 concursos, según la Estadística de Procedimientu Concursal del Institutu Nacional d'Estadística (INE) publicada esti llunes.

En total, el númberu de families y empreses en concursu foi de 5.922 nel 2 009, un 79,6% más que nel 2008. Según el tipu de concursu, 5.614 fueron voluntarios, un 81,7% más que l'añu anterior, y 308 necesarios, un 38,1% más.

Atendiendo a la clase de procedimientu, los abreviaos aumentaron un 195,8% en tasa añal, hasta 4.608, mientres que los ordinarios descendieron un 24,5%, hasta 1.314.

El 74,9% del total d'empreses declaraes en concursu nel 2009 teníen como actividá principal la construcción y la promoción inmobiliaria, la industria y el comerciu.

Del total d'empreses concursaes nel 2009, el 8% carecía de asaliariaos, el 51,4% tenía de 10 a 49 asalariaos, y el 3,7% contaba con más de 100 trabayadores.

El 62,3% de les empreses concursaes l'añu pasáu concentráronse nel tramu más baxu de volume de negociu (menos de dos millones d'euros). En dichu tramu alcontrábense la totalidá de les persones físiques con actividá empresarial, el 65,6% de les empreses sociades llendaes y el 39,8% de les sociaedes anónimes declaraes en quiebra.

CATALUÑA, A LA CABEZA DE LOS CONCURSOS

Por comunidaes, Cataluña, Madrid, Comunidá Valenciana y Andalucía fueron les comunidaes con mayor númberu de declaraciones de concursu nel conxuntu del añu pasáu, dao qu'acapararon casi'l 63% del total. Cataluña sumó 1.413 concursos, Madrid tuvo 878, Comunidá Valencia rexistró 808, y Andalucía, 623.

Nel llau opuestu, les rexones con menos suspensiones de pagos nel 2009 fueron La Rioxa, con 47 procedimientos; Estremadura, con 61 y Navarra, con 64 concursos.

Cola entrada en vixencia de la Llei Concursal el 1 de setiembre del 2004, l'INE sostituyó l'antigua estadística de suspensiones de pagos y declaraciones de quiebra pola de procedimientu concursal reemplazando los conceptos xurídicos de suspensión de pagos y declaración de quiebra pol de concursu d'acreedores

CUARTU TRIMESTRE

Sólo nel cuartu trimestre del añu, el númberu de deudores concursaos algamó los 1.542 afectaos, y lo que supón un aumentu del 20,9% sobre'l mesmu periodu del 2008 y del 40,8 sobre'l tercer trimestre del 2009.

Por tipu de concursu, un total de 1.461 fueron voluntarios ente ochobre y avientu, un 21,4% más que nel mesmu periodu del añu anterior, mientres que 81 fueron necesarios, un 12,5% más. Atendiendo a la clase de procedimientu, los ordinarios reduxéronse un 79,13% y los abreviaos aumentaron un 149,5%.

Los 1.542 concursos del cuartu trimestre, 1.305 fueron empreses (14,8% más que nel mesmu periodu del 2008) y 237 fueron families (71,7% más). Amás, el 73,6% de les empreses concursaes nesi periodu tenía como actividá principal la construcción, la industria y les inmobiliaries y el comerciu.