Les FARC ponen como condición la presencia de la comunidá internacional pa lliberar a los seis rehenes

Reuters

MADRID, 7 de Xineru (EUROPA PRESS)

L'ex presidente de les Fuerces Armaes Revolucionaries de Colombia (FARC) pidió güei la presencia de dalgún delegáu de la comunidá internacional como condición esencial pa poder executar la entrada de los seis rehenes que podíen ser lliberaos esti mesmu mes.

Nuna carta unviada a la senadora Piedad Córdoba, el grupu armáu dexa claro que los secuestraos van entregase a la congresista receptora d'esta carta "acompañada de dalgún otru representante del movimientu 'Colombianos por la paz', colos que mos coprometimos a tal xestu, y a dalguna personalidá democrática d'un país hermanu o de la comunidá internacional que tamién val de garante".

Na carta, con fecha de 30 d'avientu del 2008, les FARC faen una reflexón sobre dellos aspectos que se plantegaron dende qu'informaron de la lliberación de los seis secuestraos, ente los que tán l'ex gobernador del departamentu de Meta Alan Jara y l'ex senador Sigifrido López, amás de tres polícíes y un soldáu.

En primer términu, los rebeldes espresen el so acuerdu, con que'l Comité Internacional de la Cruz Roxa (CICR) "participa de tal xestión humanitaria" pero considera que ye una garantía "escasa, si tenemos en cuenta les manipulaciones y abusos qu'esti Gobiernu (del presidente Álvaro Uribe) cometió nel so nome y baxo la proteición del so distintivu con fines d'engañu".

Por esti motivu, creen que ye necesario que la comunidá internacional tea presente na entrega unillateral de rehenes, como requisitu indispensable p'acabar el procesu. "Tan pronto existan precisiones sobre lo mencionao, vamos face-yos conocer día y llugar sobre lo cual yá tamos trabayando", señala la misiva.

Al conocese, a últimos d'avientu pasáu, la intención de les FARC de lliberar a los seis secuestraos, Uribe aseguró que diba dar "toles garantíes necesaries" pa que se cumpla'l procesu, pero exixó que too se faiga mediante'l CICR y que nun s'implique a nenguna pesonalidá d'otru país ayenu al conflictu en Colombia, alegando que nun quier facer d'esto un 'show mediáticu'.

Estos pidimientos del mandatariu colombianu provocaron una gran polémica ente los organismos que trabayen pola paz en Colombia, los cuales tuvieron un ampliu apoyu d'otros Gobiernu llatinoamericanos y europeos.

Nesti sen, les FARC na so carta espardida pola Axencia de Noticies Nueva Colombia (Anncol) esclarien que "diba ser imporante que'l presidente (Uribe) decidiere ante too si realmente-y interesa'l regresu de los seis prisioneros a la so casa, o si una vez más va facer prevalecer los sos viscerales odios penriba de cualquier consideranza humanitaria".

Anque nun se conoz la fecha exacta de la lliberación de los rehenes, dalgunes personalidaes cercanes a esti procesu revelaron a la prensa llocal qu'enantes del 15 d'avientu podía facese efeutiva la entrega d'estes seis persones que tienen más de cinco años en poder les FARC.