MADRID, 23 Abr. (EUROPA PRESS) -
Les Fuercies Armaes d'Israel bombardieron territoriu siriu como respuesta a la caida d'un proyectil de morteru na zona averada de la valla qu'estrema los Altos del Golán, a pesar de que considera que se trató d'un incidente casual y non intencionáu.
L'Exércitu israelín confirmó nun curtiu comunicáu'l llanzamientu de "una pieza d'artillería" contra la zona de Siria dende la que supuestamente se disparó'l proyectil.
Pa Israel, el réxime de Bashar al Assad ye'l "responsable" d'esti tipu d'incidentes. Nesti sentíu, alvirtió de que "nun va tolerar nengún intentu de violar la soberanía israelina o de poner en peligru a los civiles", según la nota publicada en Twitter.
Esti tipu d'incidentes son relativamente frecuentes desque empezó'l conflictu en Siria, anque les autoridaes israelines almitieron na mayoría de los casos que nun se trata d'ataques intencionales.
Los mayores momentos de tensión ente los dos países vecinos viviéronse en febreru, cuando'l valtaron un caza F-16 israelín y foi respondíu con decenes d'ataques contra instalaciones y oxetivos militares.
