Les ñenes viudes de Nepal s'enfrenten al estigma social y a la negación de los sos derechos

Reuters

MADRID, 30 d'Avientu (EUROPA PRESS)

Les neñes viudes de Nepal, ún de los países colos niveles más altos de matrimoniu infantil xunto con Níger, Blangladesh y India, s'enfrenten a un estima social completu, puesto que son trataes dende la muerte de los sos maríos con sospecha y despreciu, y davezu cúlpenles de que finare l'home, según informa l'axencia de noticies humanitaries de la ONU, IRIN.

D'acuerdu cola Encuesta Demográfica Sanitaria del país, al 63 por cientu de les moces del país se-yos obliga a casase enantes de cumplir los 18 años, y el siete por cientu lo fae enantes de llegar a los diez años, y sólo una ONG, Muyeres pa los Derechos Humanos, tán trabayando nesti momentu sobre esti problema.

Les 'bekalayes', o neñes viudes, "sufren muncho nesta sociedá conservadora que les estigmatiza y-yos pon regles mui ríxides pa controlales", asguró un activista d'esta ONG a IRIN.

A estes menores, con maríu muertu, nun se-yos permite vistir prendes nueves nin de collores --ropes o un sari de color blancu son prendes socialmente obligatories pa les neñes viudes--, nun se-yos permite comer pescáu nin carne, tampoco volver casase y hasta nun puen mostrar el so rostru a primer hora de la mañana pa "evitar la mala suerte".

Tamién-yos prohíben asistir a bodes y a otros actos sociales por si pudieren atrer la mala suerte. "Somo trataes como animales", aseguró Shradha Mandal, a la que casaron a la edá d'ocho años y quedó viuda enantes de cumplir los 16.

Shradha nun tien ciudadanía, lo que la torna en refuxada nel so propiu país. En Nepal la ciudadanía se toma sólo dempués de cumplir los 18 años y cola recomendación del padre, un hermanu o'l maríu. Anque esti añu s'aprobó una llei que permite les recomendaciones que provengan de muyeres p'algamar la ciudadanía, nun s'implantó na práutica, d'acordies con activistes.

Shradha nun tien pruebes del so matrimoniu, y poro, nun tien derechos sobre la tierra del so maríu nin sobre les sos propiedaes. Pudo sobrevivir gracies a los alimentos suministraos poles mas.

Sin embargu, gracies al entrenamientu de Muyeres pa los Derechos Humanos, dalgunes 'bekayes' nel distritu de Saptari, a 400 kilómetros de Katmandú, y onde s'estima qu'hai 1.000 neñes viudes, entamen a denunciar la so situación y pidir una voz. "El primer pasu ye da-yos confianza y da-yos conciencia sobre los sos propios derechos", señaló otru miembru de WHR, Shah, esplicando qu'esti entrenamientu ya tien un impautu.