Les publicaciones de llibros en llingua asturiana aumentaron un 151% nel 2011, y el total de títulos subió un 10,7%

Llibros
Foto: Europa Press
Actualizado: martes, 31 enero 2012 17:57

MADRID, 31 de Xineru (EUROPA PRESS)

   Les editoriales asturianes publicaron un total de 789 títulos mientres l'añu 2011 en tolos formatos (papel, dixital, y otros) y en toles llingües, lo que supón un aumentu del 10,7% con respecto al exerciciu anterior. Destaca especialmente la subida de publicaciones en Llingua Asturiana, que foi un 151% superior, con 103 títulos.

   Son datos recoyíos pola Axencia del ISBN, nos que nun s'inclúin los llibros catalogaos pola Axencia producíos por Autores-Editores.

   Asina, frente a estos 789 llibros en 2011, nel 2010 les publicaciones fueren 704, y rexistraren un importante descensu, del 18,1%, sobre'l 2009, cuando fueron 808 títulos.

   Del total contabilizáu esti añu, 103 obres fueron en llingua asturiana, lo que supón una considerable subida cola añalidá 2010, cuando se rexistraron 41, que suponíen un descensu del 35,99% perbaxo del 2009 (64). Con estos datos, mientres que nel 2010 les publicaciones n'asturianu representaben el 5,8% del total, nel 2011 esti porcentaxe elevóse al 13%.

   Por Comunidaes Autónomes, Asturies quedó nel docenu puestu y representa¡l 0,7% del total del Estáu. Madrid y Cataluña siguen siendo les rexones que mayor volume d'actividá editorial, con 65.000 títulos publicaos ente ambes (63,11%), siguíu d'Andalucía, 14.423 títulos (13,99%), Valencia, 6.864 títulos (6,66%), Galicia, 2.996 títulos (2,91%) y Castiella y Lleón, 2.542 títulos (2,47%).

DATOS GLOBALES

   Mientres el 2011, les editoriales publicaron 97.211 llibros nes llingües d'España. Al marxe de los publicaos en castellán, que representaron 81.825 títulos (79%), los llibros en catalán subieron a 10.919 títulos (11% del global), siguíu de los editaos en gallegu, 31 Ene. (2%) -  y n'Eusquera, 1.442% (1%). Un 6% de los llibros publicaos n'España realizáronse n'otres llingües, un total de 5.866

   Coles mesmes, el númberu de les traducciones de llibros d'otres llingües subió a 22.437. D'ellos, el mayor porcentaxe fueron los traducíos del inglés, 10.718 (47%), siguíos del castellán (traducíu a otres llingües) 4.012 (17%), Francés, 2.342, (10%) y Italianu, 1.207 (5%).

   Hai que destacar, coles mesmes, qu'un total de 3.574 sellos editoriales publicaron polo menos un llibru mientres el 2011. De toes ellos, 217 editoriales publicaron más de 100 títulos, xuntes representen el 62% de los llibros editaos n'España mientres el pasáu añu. Colos datos de l'Axencia del ISBN el Ministeriu de Cultura ellabora la so Panorámica de la edición española de llibros.

MÁS LLIBROS EN FORMATU DIXITAL

   Per otra parte y como yá s'anunció a mediaos del mes de xineru, l'Axencia del ISBN rexistró un total de 17.843 obres en formatu dixital a lo llargo del 2011, un 38% más al respecto de lo recoyío na Panorámica de la edición española de llibros. Estes cifres representen el 17% del total de los llibros rexistraos pola Axencia del ISBN n'España mientres el 2011 y reflexen el creciente interés del sector editorial por ofrecer a los sos llectores títulos editaos en formatu dixital.

   N'España, la industria editorial mueve añalmente cerca de 3.000 millones d'euros, un 0,7% del PIB y da empléu, directu y indirectu, a más de 30.000 persones. Les 889 empreses editoriales arrexuntaes na FGEE representen cerca del 95% del sector y a lo llargo del 2010 editaron más de 220 millones de llibros y cerca de 80.000 títulos con una tirada media por títulu de 3.790 exemplares.

Asturianu ofrecido por