OVIEDO, 15 Mar. (EUROPA PRESS) -
L'ex conseyeru Francisco Javier García Valledor (IX) afirmó que nestos momentos la FSA-PSOE tien una "responsabilidá histórica" cola llingua asturiana énte l'actual debate sobre la oficialidá d'esti idioma.
Asina se posicionó en declaraciones a Europa Press realizaes esti xueves n'Uviéu nel actu de presentación del 'Diccionariu Etimolóxicu de la Llingua Asturiana', de Xóse Lluis García Arias. Valledor foi ente 2003 y 2007 conseyeru de Xusticia, Seguridá Social y Rellaciones Esteriores nel Gobiernu de coalición ente'l PSOE y IX presidíu pol socialista Vicente Álvarez Areces.
Valledor calificó la xornada como un "día cimeru" pa la cultura asturiana y un día "pa que reflexonen los cosmopaletos como Javier Fernández o Mercedes Fernández". "Esa xente que tien complexu d'inferioridá por nacer n'Asturies y que nun se dan cuenta del valir cultural y la importancia de garantizar los derechos llingüísticos de los asturianos", indicó l'ex conseyeru.
Sobre'l debate actual sobre la oficialidá orixináu depués de que la FSA, nel so 32 Congresu, aprobara incluir la defensa de la oficialidá nes sos llinies programátiques, Valledor afirmó que nestos momentos "la FSA tien una responsablidá historica col asturianu y ya va siendo hora que esa responsabilia la resuelva".
Con too, mostróse partidariu de que l'asturianu nun sía "un ámbitu de llucha política". "Cuando dende'l Parllamentu defendíemos y defendemos --por IX-- la oficialidá nun yera p'apuntanos un tantu, yera porque teníemos que glayar y ser la voz silenciada", afirmó.
Nesi sentíu, sobre la so etapa nel Gobiernu asturianu, Valledor esplicó qu'hubo munchos "rocees" pa dar pasos alantre cola normalización del asturianu pol "provincialismu" d'Álvarez Areces y porque les Conseyeríes de la FSA "nun cumplieron col Plan de Normalización del Asturianu aprobáu por unanimidá de la Xunta Xeneral.
L'ex conseyeru recuerda que n'aquel momentu nun había diputaos abondo p'abrir la reforma del Estatutu y poder aprobar la oficialidá, pero qu'agora sí ye posible. "D'esta tien que dir porque perderíemos un momentu históricu y podríemos tar falando yá de la pérdiga del idioma", sentenció.
