MADRID, 20 de Xunetu (EUROPA PRESS)
L'Exércitu de Tierra disculpóse en Twitter dempués de la publicación el pasáu 18 de xunetu d'una efeméride recordando l'alzamientu "cívicu-militar" del añu 1936 que dio llugar a la Guerra Civil española.
L'ex Xefe del Estáu Mayor de la Defensa y miembru de Podemos, Julio Rodríguez, compartió'l pasáu martes una fotografía d'un documentu de l'Agrupación d'Apoyu Loxísticu Nº61 nel que se conmemoraba la efeméride del 18 de xunetu.
"Nesti día de 1936, oficialmente, entamó en toa España un alzamientu cívicu-militar nel que participa la mayoría del Exércitu. Ye un día importante na historia de la nuesa patria, que merez que los recuerden pa que les xeneraciones futures eviten que se produzan les circunstancies que favorecieron l'enfrentamientu bélicu. Los pueblos qu'escaecen la so hestoria tán codenaos a repitila", dicía la publicación.
Julio Rodríguez amosaba la so incredulidá pol testu. "Sí, esti documentu ye de güei, del añu 2017", criticaba reconociendo'l so plasmu y llamentando la so publicación: "Vamos p'atrás".
L'Exércitu de Tierra contestó al otru día a esti mensaxe reconociendo'l so error y pidiendo disculpes: "¿Publiquemos esta efeméride? Sí. ¿Foi un error? Tamién. ¿Pidimos esculpes? Por supuesto".
