UVIÉU, 28 de Payares (EUROPA PRESS)
El Xulgáu de primer Instancia ya Instrucción núbmeru 3 d'Uviéu d'Avilés citó a ocho persones pa que declaren nes dependencies xudiciales los díes 11 y 20 de febreru en calidá d'imputaos pola presunta comisión de dos delitos de sobornu y tráficu d'influencies.
Ente los imputaos ta l'exsecretariu de comunicación del PP d'Asturies, Francisco Joaquín Fernández Díaz y l'ex director xeneral d'Alministración Llocal del Gobiernu del Principáu, Francisco José Balmori Póo. Ambos van declarar el 20 de febreru del 2015.
De la mesma manera, la xuez emitió una resolución acordando desabrise en favor del Tribunal Superior de Xusticia de Cantabria en relación a "les presuntes conductes delictives cometíes pol presidente de Cantabria, Juan Ignacio Diego palacios y pol conseyeru d'Obres Públiques de Cantabria, Francisco Javier Rodríguez Argüeso, dada la so condición de aforaos".
Amás de Francisco Joaquín Fernández Díaz y de Francisco José Balmori Póo, en febreru van comparecer ante'l xuez como imputaos Salvador Mendez Mendez; Rosana González Fernández; María Rosa Suárez Peláez; José Ramón Pérez García, María Isabel Prieto Cigarran y Roberto Santiago Fernández, que van comparecer la mayoría'l 11 de febreru del 2015. A lo últiom, pa la declaración del representante llegal d'Aquagest señálase'l día 24 de febreru del 2015, a les 10.00 hores
El xulgáu solicita al Conceyu de Cuaña qu'envíe la relación de cargos qu'ostentaben nel 2009 los cargos d'alcalde y de conceyales, especificando'l partíu políticu de pertenencia de caún d'ellos.
Amás pide al Conceyu de Navia que s'indique en qué añu s'axudicó a la empresa Aquagest la xestión de les agües municipales, asina como que s'indique la relación de les persones qu'ostentaben nesi añu los cargos d'alcalde y de conceyales.
