Llamazares y la dirección de IX Asturies superen los sos "tracamundios" y avancen en "confianza mutua"

Gaspar Llamazares
EUROPA PRESS
Publicado 11/08/2017 18:35:03CET

UVIÉU, 11 Ago. (EUROPA PRESS) -

La crisis xenerada n'IX arriendes de que'l so voceru na Xunta Xeneral del Principáu d'Asturies, Gaspar Llamazares, rexistrara como partíu la plataforma Actúa, foi rebaxada considerablemente esti vienres, tres una reunión ente la dirección d'IX y el mesmu Llamazares.

El políticu asturianu dixo que la reunión, d'hora y media, sirvió pa superar "tracamundios "y espresó el so compromisu "ensin fecha de caducidá" con IX. Per parte de la dirección, señalaron que'l sentíu común impúnxose y desplicaron a Europa Press que se punxeron les bases pa qu' esti tipu d'episodios nun vuelvan asoceder. Amás de Llamazares participaron na xunta'l coordinador d'IX d'Asturies, Ramón Argüelles, y el secretariu d'Organización, Alejandro Suárez.

Nunes declaraciones emitíes tres la reunión, Llamazares dixo qu'ún de los tracamundios con respeuto de la inscripción d'Actúa como partíu ye que nun tien vocación eleutoral sinón instrumental. Tamién puntualizó que la conversación con Pedro Sánchez foi nel mes de xunu y abordó'l tema d'Actúa, pero inda nun taba inscrita y difícilmente podría ser una conversación pa informalu de la inscripción, sinón "una conversación más, un café, ente dos dirixentes políticos".

En relación al diálogu y la confianza mutua, desplicó que la meyora ye clara pa estremar el papel n'Asturies y el de dirixente d'Izquierda Abierta nel planu estatal. Llamazares quixo reafitar la confianza col proyectu d'IX, y cola estratexa de IX Asturies basada na collaboración con Podemos.

Pela so parte, dende la direición desplicaron que la reunión foi "cordial", propia de xente que se conoz dende fai muncho tiempu. Insistieron na importancia d'iguar esti tipu de crisis pa tar "al altor de la xente y de la militancia". Por ello, dende IX d'Asturies aprovecharon pa llanzar un mensaxe de tranquilidá a los sos votantes.

Esta web utiliza cookies propias y de terceros para analizar su navegación y ofrecerle un servicio más personalizado y publicidad acorde a sus intereses. Continuar navegando implica la aceptación de nuestra política de cookies -
Uso de cookies