Llera dará a conocer en próximos díes el III Estudiu Sociollingüísticu d'Asturies

 

Llera dará a conocer en próximos díes el III Estudiu Sociollingüísticu d'Asturies

Llera Ramo intervién na Comisión na Xunta.
EUROPA PRESS
Publicado 18/05/2017 13:41:48CET

UVIÉU, 17 de Mayu (EUROPA PRESS)

El profesor de Ciencia Política de la Univesidá del País Vascu y director del Euskobarómetru Francisco Llera Ramo dará a conocer en próximes selmanes el III Estudiu Sociollingüísticu de la realidá d'Asturies.

Llera foi ún de los comparecientes na sesión d'esti miércoles de la Comisión d'Estudiu sobre'l Réximen de Protección del Asturianu na Xunta Xeneral.

"Dientro de pocos díes podrán disponer ustedes de la tercer encuesta sociollingüística, y los asturianos van danos la información de qué ye lo que se fizo dende les instituciones y cuál ye l'estáu de la llingua na sociedá asturiana", anunció Llera. El primer d'estos estudios presentóse en 1994 y el segundu foi nel 2002. Ambes encuentes reflexaben daquella un apoyu mayoritariu a la oficialidá del asturianu.

"Espero que seya un instrumentu fundamental pa que les polítiques llingüístiques que s'adopten seyan les meyores posibles pa la llingua y pa los ciudadanos", comentó.

Llera llamó a fuxir de cualquier ideoloxía llingüística, y que cualquier medida parta d'un consensu, porque "la llingua nun pue ser de naide, ye un elementu d'identidá yun vehículu de comunicación".

Los dos estudios anteriores, según Llera, recoyíen que más de la metá de la población falaba n'asturianu, un númberu non mui inferior al de falantes d'eusquera nel País Vascu. Eso sí, comenta que'l gran problema sigue siendo la penetración de la llingua nos espacios públicos "y eso ye pura voluntá política". "Lo que ye evidentemente, estudiu tres estudiu, ye lo poco qu'avanza nel espaciu públicu", llamentó.

A lo último, preguntáu pola vinculación que dende ciertos sectores se fai ente les políticas a favor del fomentu y la implantación del asturianu col surdimientu de nacionalismos radicales, Llera mostróse claru: "aventar esi fantasma ye ridículu". "La historia reciente da la midida de lo que caún ye". "Otra cosa distinta ye la instrumentalización de la llingua como un artefactu de guerrilla política absurda", añadió. Por eso pa Llera "lo fundamental ye'l consensu". Cabe destacar qu'esti profesor ye una significada personalidá nos movimientos contra la violencia d'ETA, organización terrorista qu'intentó matalu nel 2002.

SITUACIÓN LLEGAL

Na sesión tamién intervino, ente otros, José María Pérez Fernández, lletráu del Tribunal Constitucional, qu'insistió en que la reconocencia de la especialidá docente de llingua asturiana namás que depende de la voluntá política del Gobiernu central y nun ta vinculada a la declaración d'oficialidá.

Amás, criticó el pocu desarrollu de la llei de promoción y, especialmente n'aspectos como la implantación del sistema educativu y la recuperación de la toponimia.

Esta web utiliza cookies propias y de terceros para analizar su navegación y ofrecerle un servicio más personalizado y publicidad acorde a sus intereses. Continuar navegando implica la aceptación de nuestra política de cookies -
Uso de cookies