Foto: EUROPA PRESS
MADRID, 1 de Febreru (EUROPA PRESS)
El Gobiernu británicu insistió en que nun va aceptar un cambiu nel estatus de Gibraltar, "nun siendo qu'ési seya'l deséu espresáu llibremente pol pueblu xiibraltareñu".
Asina s'espresó'l secretariu d'Estáu británicu pa Europa, David Lidington, en respuesta a les numberoses preguntes que la prensa española plantegó-y nun almuerzu informativu por cuenta de la so visita de trabayu a Madrid, pa caltener una primer toma de contactu col nuevu Gobiernu de Mariano Rajoy.
"El Gobiernu británicu tien una postura bien clara nel sen de que sobre soberanía nun vamos llegar a un acuerdu pa que cambie l'estatus de Gibraltar, nun siendo qu'ési seya'l deséu espresáu llibremente pol pueblu xibraltareñu", indicó.
Lidington precisó que'l Gobiernu británicu tampoco va participar en nengún procesu de negociaciones sobre la soberanía de Gibratar "sin l'acuerdu" de los residentes en Gibraltar.
Ésta, dixo, ye la posición del Executivu de David Cameron y "nun cambió" dende la so llegada a Downing Street, anque Lidington señaló que va escuchar "atentamente" a los sos colegues españoles cuando espongan la so visión sobre'l contenciosu.