La séptima temporada de "Jueguo de tronos" promete. Emilia Clarke (Daenerys Targaryen), Sophie Turner (Sansa Stark), Kit Harington (Jon Snow) y Lena Headey (Cersei Lannister) yá fixeron les sos predicciones sobre lo que-yos va pasar a los sos personaxes na próxima temporada. Sicasí, nun teníen nenguna base real sobre la que sostener les sos especulaciones... Pero Maisie Williams (Arya Stark) lleó'l guión de la séptima temporada, y asegura que los fans nun tán preparaos pa lo que ta por venir.
L'actriz, dempués de lleer el guión de la próxima temporada de "XJuego de trono", publicó dellos tuits persosprendida por cómo se van a desenvolver los acontecimientos. Claramente, nun da detalles nin revela dengún spoiler. Namái avisa de que naide ta preparáu pa lo que va asoceder.
"Acabo de lleer la séptima temporada", escribe Williams, asegurando que la cosa ponse seria. "Yo entamaría a preparame agora", aconseya, pero dempués rectifica: "Nada vos va preparar pa esto". Y ye qu'en realidá dengún siguidor de "Juego de tronos" sabe lo que va pasar, porque la serie sobrepasó los llibros, polo que dambos s'atopen nel mesmu puntu d'incertidume.
VIENTOS D'IVIERNU ACABA PER TOLO ALTO
El final de la 6ª temporada de "Juego de tronos" dexó a los sos fans ablucaos al amosa-yos el maquiavélicu plan de Cersei, la muerte de cientos de personaxes, la verdá sobre los oríxenes de Jon Snow y l'exércitu de Daenerys.
Espérase que la nueva etapa de la serie cunte namái con 7 episodios. Estos van llegar a la HBO a partir de 2017. Los fans españoles de "Juego de tronos" van poder velos al traviés de Canal + la mesma madrugada del domingu al llunes en versión orixinal subtitulada y tamién a otru día de nuevu en VOSE
