La manifestación del Día de Les Lletres anunciará un procesu de reforma estatutaria pa oficializar l'asturianu

Publicado: jueves, 4 mayo 2017 14:45

OVIEDO, 4 May. (EUROPA PRESS) -

La Xunta pola Defensa de la Llingua Asturiana (XDLA) anunciará este viernes, na manifestación del Día de Les Lletres Asturies, la puesta en marcha del 'Proyectu 2018 pa la oficialida', col fin d'echar andar un procesu de reforma estatutaria qu'oficialice l'asturianu, basáu nel apoyu d'una cuarta parte de los diputaos de la Xunta Xeneral.

La manifestación, col lema 'L'asturianu llingua oficial. El futuru nes nueses manes', tendrá llugar esti vienres 5 de mayu, Día de les Lletres Asturianes, a les 19.30, dende la Estación del Norte d'Uviéu.

Na manifestación va dase anuncia del 'Proyectu 2018 pa la Oficialidá': un proyectu pa echar a andar una reforma estatutaria al traviés del Artículu 56.1. "Pa eso, contamos col compromisu d'un grupu, ampliu y plural, amás d'una cuarta parte de los diputaos y diputaes (cantidá mínima pa entamar un procedimientu de reforma estatutaria)", esplicó la Xunta nun comunicáu.

"La primer vez na historia contemporánea d'Asturies, tenemos ente nosotros una oportunidá real p'abrir una reforma del Estatutu d'Autonomía d'Asturies, a costafecha pa incluyir la oficialidá del asturianu. Ye la primer vez que la Xunta Xeneral tien na mano aniciar un procesu de reforma ensinnengún de*los partíos hasta agora mayoritarios", comenta la organización.

Pa la Xunta Pola, "ye'l momentu de demostrar que'l futuru ye nuestru, que ta nes nuestres manes. El déficit democráticu que ta suponiendo la negación de los derechos llingüísticos de la ciudadanía asturiana a lo llargo de más de 30 años tien qu'acabar".

Asturianu ofrecido por