Más de 1,4 millones de pasaxeros pasaron pel Aeropuertu d'Asturies en 2017

Contador
Aeropuesrto de Asturias
AENA
Publicado 12/01/2018 14:15:54CET

UVIÉU, 12 Ene. (EUROPA PRESS) -

L'Aeropuertu d'Asturies cerró 2017 con un total de 1.407.217 pasaxeros y una medría del 9,8% en comparanza col añu anterior. Según informaron dende la dirección del complexu, el datu supón el tercer añu con más pasaxeros dende la so inauguración, namás superáu polos datos de 2007 y 2008.

No que fai referencia a 2017 destacaron amás al traviés d'una nota de prensa la medría de pasaxeros internacionales, que, con un total de 238.812 viaxeros, aumenta un 21,4% y supón el tráficu internacional mayor de la historia del aeropuertu asturianu.

De xineru a avientu l'aeropuertu xestionó 13.005 operaciones, un 9% más que'l mesmu periodu del añu anterior. D'elles 9.296 foron vuelos nacionales, con una medría del 5,6% y 2.545 vuelos de calter internacional que crecieron un 12,6% en comparanza col mesmu periodu del añu anterior.

Sobre los datos d'avientu, l'Aeropuertu d'Asturies cerró'l mes con un total de 105.755 pasaxeros (+7,2%). D'ellos 89.786 (+8,9%) correspuenden a pasaxeros nacionales. Mentes el mes pasáu l'aeropuertu xestionó 980 aterrizaxes y despegues (+5,8%).

Esta web utiliza cookies propias y de terceros para analizar su navegación y ofrecerle un servicio más personalizado y publicidad acorde a sus intereses. Continuar navegando implica la aceptación de nuestra política de cookies -
Uso de cookies