Más de 20.000 persones esperen operación n'Asturies, el 14% fuera de llista estructural

 

Más de 20.000 persones esperen operación n'Asturies, el 14% fuera de llista estructural

Imágen de quirófano
EUROPA PRESS/HOSPITAL SIERRA DE SEGURA
Publicado 20/03/2017 19:25:49CET

UVIÉU, 20 de Marzu (EUROPA PRESS)

Un total de 20.880 persones taben esperando nestos momentos una operación quirúrxica n'Asturies. Un 14,1% d'elles, 2.693, tán fuera de la llista estructural. Esto ye, nun puen interveniles bien por razones médiques o bien porque refuguen movese a un hospital distintu que al que-yos correspuenda por área sanitaria.

La Conseyería de Sanidá informó esti llunes nuna nota de prensa de que dio un pasu más p'ampliar la información pública al incluyir na so publicación mensual na páxina web Astursalud y nel Portal de Transparencia cuatro nuevos epígrafes al marxe de los datos que componen la llista d'espera quirúrxica estructural. Dende agora, van facese públicos cada mes el númberu de pacientes qu'entren y salen del rexistru y el d'aquellos que permanecen n'espera en refugando la derivación a un hospital distintu al so centru de referencia.

Tamién va publicase la cifra de quien tán pendientes d'una operación non urxente y que la so programación nun ye posible nun momentu dau, bien porque la so situación clínica nun lo aconseya o porque los mesmos afectaos soliciten un aplazamientu por dellos motivos.

Nesti momentu, hai 17.917 persones na llista estructural que vien publicando la conseyería dende l'entamu de la llexislatura, y otres 2.963 tán pendientes d'una intervención por dalgún de los conceptos citaos antes, una cantidá que supón el 14,1% de la cifra global de ciudadanos qu'esperen por una operación.

En concreto, los pacientes que refugaron un centru alternativu son 1.733 y suponen el 52% de los que tán fuera de la llista estructural y el 8,2% del total de persones qu'esperen. Per otra parte, hai 1.230 a les que nun pudieron intervenir por razones de salú o porque pidieron un aplazamientu. Estes representen el 48% de los que tán fuera de la llista estructural y el 5,9% del total de ciudadanos qu'aguarden una intervención. En nengún de los dos casos queden escluyíos de los rexistros.

La Conseyería esplica que'l sistema sanitariu ufierta una respuesta en rede a la demanda de los ciudadanos, que llibremente pueden aceptar o non el treslláu, en función de la confianza hacia'l so médicu especialista o por cuestiones rellacionaes cola comodidá o la facilidá de desplazamientu de los sos familiares al centru alternativu, ente otres.

Puede cambiar de noticia usando las flechas del teclado (← →)
La actualidad más visitada en EuropaPress logo: La actualidad más vista
Esta web utiliza cookies propias y de terceros para analizar su navegación y ofrecerle un servicio más personalizado y publicidad acorde a sus intereses. Continuar navegando implica la aceptación de nuestra política de cookies -
Uso de cookies