FERGUSON, 26 de Mayu (Reuters/EP)
La Guardia Nacional y la Policía arrestaron a más de 400 persones na población de Ferguson y otros llugares d'Estaos Uníos, nes protestes que se repitieron mientres los dos últimes nueches, tres el fallu del gran xuráu de Misuri, que dexa en llibertá sin cargos a Darren Wilson, l'axente de policía responsable de la muerte del mozu afroamericanu Michael Brown.
Produxéronse protestes en Boston, Nueva York, Los Angeles, Dallas, Atlanta y otres ciudaes tres esta decisión del xuráu, que provoca tovía más polémica sobre la muerte del mozu de 18 años el 9 d'agostu, nun casu que desencadenó un debate racial n'Estaos Uníos.
Ferguson, una ciudá con una población predominantemente afroamericana, viose afectada por dos nueches de disturbios, saqueos y quemes, con dellos negocios destruyíos poles llames. Sicasí, les autoridaes aseguraron qu'un mayor guarda de fuerces de seguridá'l martes pela nueche ayudó a calmar la violencia.
El Gobernador de Misuri, Jay Nixon, esplegó sobre 2.200 efectivos de la Guardia Nacional en Ferguson y la so contorna. La Policía arrestó a 45 persones nesta población martes pela nueche, frente a les 61 detenciones realizaes el llunes, hores dempués de la decisión del gran xuráu.
"L'aumentu de la presencia y l'acción de la Guardia Nacional de Misuri foi de gran ayuda", reconoció Nixon esti miércoles, en faciendo frente a les crítiques por non esplegar demasiaos efectivos nes hores posteriores al dictame del gran xuráu.
Les tensiones ente la policía y los afroamericanos estaounidenses tuvieron creciendo mientres décades, con munchos ciudadanos negros sintiendo que'l sistema llegal del país y les fuerces de seguridá nun-yos dan un tratu xustu.
En Washington, el presidente, Barack Obama, intentó contener la ira que s'estendió a otres ciudaes del país, captando l'atención internacional. Obama foi cautelosu nos sos comentarios, pero tomó un mayor protagonismu nos últimos díes, reclamando una respuesta "pacífica" a los manifestantes.
