BARCELONA, 27 de Xunetu
El presidente de la Generalitat, Artur Mas, aseguró esti llunes que Cataluña "ta a un tris y preparada" pa construyir una facienda propia en mayúscules, dao que cuenta coles idees, el talentu, la conocencia y les persones necesaries.
"Nun se perdió'l tiempu, fízose munchu trabayu y agora tenemos non yá una gran oportunidá per delantre, sinón tamién una gran necesidá per parte de los 7,5 millones de ciudadanos de Catalunya", dixo Mas na clausura de la presentación del nuevu modelu d'Alministración Tributaria de Cataluña, que la Generalitat encargó a un grupu d'espertos dos años atrás.
"Sin el control de la to propia facienda, anque seya nun marcu cooperativu européu como queremos, nun hai autogobiernu, y sin autogobiernu nun hai proyectu propiu de país", recalcó Mas, qu'añadió qu'agora namás falten que se dean les condiciones sociales y polítiques pa da-y cuerpu a esti modelu que, según dixo, ye l'intentu más seriu que fizo Cataluña pa tener una facienda propia nos últimos trés sieglos.
El presidente de la Generalitat fizo una retrospectiva de los últimos 30 años y remontóse al Estatut de 1979, cuando Cataluña cometió l'error de nun apostar pola facienda propia: "Ye meyor dicilo con toles palabres. Lo que naquel momentu consideróse un tema secundariu, la facienda propia, foi un error bien grande, y non solo atribuyible a l'actitú del Estáu, que conllevó consecuencies bien graves"
