Medvedev aprueba una nueva doctrina militar que permite ataques nucleares preventivos

Reuters

MOSCÚ, 5 de Febreru (EUROPA PRESS)

El presidente rusu, Dimitri Medvedev, aprobó la nueva doctrina militar de Rusia, que permite realizar ataques nucleares preventivos contra agresores potenciales, anunció esti vienres la secretaria de prensa del Kremlin, Natalia Timakova.

"El presidente informó esti vienres a los miembros del Conseyu de Seguridá de Rusia de qu'aprobó dos documentos: la doctrina militar y los fundamentos de la política estatal sobre disuación nuclear hasta'l 2020", precisó Timakova, citada pola axencia de noticia RIA Novosti. Según fontes oficiales ruses, les amenaces y los desafíos reales a los que s'enfrenta'l pasáu motivó los cambios na doctrina militar.

La triada nuclear de Rusia ta compuesta por sistemes de misiles balísticos, somarinos nucleares equipaos con misiles baslísticos y bombarderos estratéxicos con bombes atómiques y misiles de cruceru, con posibilildá de llevar cabeces nucleares. En virtú de la nueva doctrina, Rusia sigurá desarrollando y modernizando esti armamentu, aumentando la so capacidá pa superar los sistemes antimisiles d'un posible enemigu.

La nueva doctrina tamién tien l'oxetivu de tornar l'Exércitu nuna fuerza más eficaz y con más movilidá. Asina, les sos estructures "optimizaránse" mediante l'usu d'unidaes d'armes combinaes que valen pa llabores distintos.

L'anterior documentu, que s'aprobó nel añu 2000, facía un adelantu del papel de les Fuerces Armaes pa garantizar la defensa del país y, en casu necesariu, preparase pa la guerra y ponela en práctica, anque sorrayaba que la doctrina militar yera sólo defensiva.

El gastu militar de Rusia tuvo creciendo de manera constante y el país pretende incrementar l'actual presupuestu de Defensa, qu'asciende a más de 29.360 millones d'euros, nun 50 por cientu demientres los próximos trés años.