UVIÉU, 1 de Febreru (EUROPA PRESS)
La diputada nacional del PP, Mercedes Fernández, manifestó esti miércoles que'l partíu tovía nun decidió quién va encabezar la llista pa optar a la presidencia d'Asturies nos comicios adelantaos del 25 de marzu y añadió qu'ella ta a disposición del so partíu.
Fernández, en declaraciones a la cadena COPE y recoyíes por Europa Press, manifestó que "ye necesario abrir unu procesu internu nel senu del partíu pa proceder al traviés de los órganos colexaos, y teniendo en cuenta la decisión del PP nacional, pa escoyer a la persona más afayadiza qu'encabece esa llista. Pero esa decisión nun ta tomada polo tanto nun pue faese pública".
"El partíu tien munches variables a la hora de decidir, tien qu'escoyer la meyor postura y tolos que formamos parte tamos a disposición del PP", señala y añade qu'a lo llargo de la so vida política siempre tuvo a disposición del partíu.
Mercedes Fernández ye ún de los nomes qu'embaraxa la cúpula del PP pa qu'encabece les elecciones autonómiques del 25 de marzu. Foi la candidata del PP n'Asturies nes últimes elecciones xenerales y el Partíu Popular tan solo dexó un escañu en favor del partíu de Francisco Álvarez-Cascos.
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
.png)