UVIÉU, 27 de Marzu (EUROPA PRESS)
La presidenta del PP d'Asturies, Mercedes Fernández, asumió esti vienres, mientres l'actu de presentación de la candidatura del so partíu al Conceyu de Pravia, que nos últimos años "hubo divorciu ente los ciudadanos y los partíos tradicionales".
En declaraciones a los medios, Fernández apostó por "ofrecer un PP renováu, que se porte de forma distinta". Na so opinión, "cuando un partíu y una sociedá nun van en sintonía nin pela mesma sienda hai un divorciu y esto en bona midida pasó nos últimos tiempos, ente la sociedá y les instituciones".
Pa Fernández, tienen que facese "coses distintes y de forma distinta, y les polítiques del pasáu namás valen pa recrease nel pasáu".
Preguntada por si la dirección estatal del partíu ye receptiva ante esta postura de la presidenta del PP d'Asturies, mostróse "segura" de que sí, prque "tamos viendo qu'hai coses que tienen que cambiar". "Rajoy ta convencíu de qu'hai qu'ofrecer nueves respuestes ente toos a la sociedá española nel so conxuntu", afirmó.
