UVIÉU, 20 Abr. (EUROPA PRESS) -
A Mesa pola Normalización Lingüística, la principal asociación de defensa del gallegu, mostró'l so apoyu a la manifestación d'esti sábadu pola oficialidá porque'l "gallegu d'Asturies" tien que ser reconocíu "como llingua oficial y propia del Eo-Navia".
Al traviés d'un comunicáu colgáu na so páxina web, la entidá dio'l so apoyu a la manifestación qu'entama la Xunta pola Defensa de la Llingua esti sábadu 21 d'abril na Estación del Norte d'Uviéu y que busca la oficialidá del asturianu y del gallego-asturianu.
Amás, dende A Mesa piden a la Xunta de Galicia que cumpla col puntu de la Llei de Normalización que fala de la protección del gallegu fuera de la comunidá autónoma gallega y afalen al Estáu, a la Xunta y al Principáu pa collaborar en materia llingüística d'alcuerdu colo qu'afita la Carta Europea de les Llingües.
