Morales acusa a l'Axencia Antidrogues d'EE.UU d'intervenir les sos llamaes telefóniques

Reuters

MADRID, 20 de Payares (EUROPA PRESS)

El presidente de Bolivia, Evo Morales, acusó ayeri a l'Axencia Antidrogues d'Estaos Uníos (DEA, poles sigles n'inglés) de dedicase a pinchar les sos llamaes teléfoniques, igual que lo fizo col vicepresidente Álvaro García Linera, "como muestra clara de los llabores d'inxerencia política que cometió en Bolivia", demientres los últimos seis años.

Morales denunció nel Conseyu Permanente de la Organización de los Estaos Americanos (OEA), que la DEA instalare una oficina na Empresa Nacional de Telecomunicaciones (Entel) pa realizar les intervenciones telefóniques de les autoridaes del Gobiernu y un grupu de diputaos del Movimientu Al Socialismu (MAS).

El mandatariu bolivianu pidió que Washington dexe de certificar la llucha escontra'l narcotráficu na rexón sudamericana, "poles represalies y humillaciones qu'exerce escontra los países que nun comparten la política económica y antidroga".

Nesi marcu, Morales solicitó al Conseyu Permanente de la OEA qu'estructure una Comisión que se faiga cargu de controlar la llucha escontra'l narcotráficu na rexón o nel so defeutu la Organización de Naciones Uníes (ONU), col propósitu de contar con informes imparciales sobre los resultaos algamaos en materia antidroga, informó el diariu bolivianu 'La Razón'.

BAXO CONTROL

"Fuimos víctimes de grupos qu'operen escontra un gobiernu, escontra un presidente, los pinchazos telefónicos. La DEA tenía n'Entel, enantes privatizada, un grupu que taben controlando al presidente y al vicepresidente (...). Nun necesitamos axentes de la DEA pa que tean controlando", manifestó Morales en rellación a les investigaciones financieres que fizo la DEA sobre l'orixe del so patrimoniu.

De la mesma manera, Morales precisó que probablemente Estaos uníos tenía bones intenciones al crear organismos de llucha escontra'l narcotráficu, pero los embaxadores y el cuerpu de paz fizo un mal usu d'éstos. La representación diplomática norteamericana tendían que facer un siguimientu de los venezolanos y de los cubanos como tamién de les autoridaes de Bolivia", manifiestu.

El mandatariu reconoció que Bolivia requier d'esi apoyu, pero baxo'l marcu del respetu a la dignidiá y soberanía de los bolivianos. "Non porque seya una potencia (EE.UU) va venir a controlar a Evo Morales a los venezolanos y a los cubanos en Bolivia, o entrase a Ente pa controlar les llamaes telefóniques", alvirtió.

Morales señaló que mientres seya'l presidente, la DEA nun va volver al país y va oponese con constancia a la instalación de cuarteles militares estranxeros, baxo'l pretestu de llucha escontra'l narcotráficu y terrorismu, al garantizar una cruzada ensin tregua escontra la producción y tráficu de drogues. Nesi marcu, reiteró'l so interés de rexonalizar la llucha escontra'l narcotráficu col apoyu y concursu activu de tolos países sudamericanos, pa facer más efeutivu esti combate y se dexe de depender d'EE.UU.