MADRID, 21 Ago. (EUROPA PRESS) -
'Fritz', el gorila más vieyu d'Europa, morrió esti llunes 20 d'agostu nel zoolóxicu Hellabrunn de Munich por una eutanasia pol so grave estáu de salú, qu'empezó a ser notable'l sábadu 18 d'agostu.
Por eso, el zoolóxicu decidió cerrar el sábadu la cortil del gorila cuando ésti empezó a amosar síntomes de debilidá, pa ufrir cierta privacidá al grupu de gorilas col que vivía ellí. Por cuenta de que 'Fritz' nun tenía perspectives d'ameyorar y taba inmovilizáu, decidió ponese fin a la so vida al traviés de la eutanasia, según detalla'l centru.
'Fritz', que nació en Camerún en 1963, yera'l padre de seis gorilas, un total de dos femes y cuatro machos. Asina, 'Fritz' dexa 14 tataranietos que viven en dellos zoolóxicos d'Europa. Ente loz so fíos atopa'l gorila 'Schorsch', que tamién algamó fama y vive nel Loro Parque de la isla de Tenerife.
El gorila vivió dende setiembre de 1984 hasta xineru de 1985 nel Zoolóxicu de Berlín y dende xunetu de 1986 hasta payares de 1988 en Dvur Kralove, en República Checa. Yá n'ochobre de 2017 con 54 años, empezó a manifestar la so enfermedá, polo que, tal como indica'l zoolóxicu onde vivía, nin quería xintar la so comida favorita: el quesu cottage con mermelada d'altimora.
En xunetu de 2018, la Radiodifusión Bávara tresmitió un documental radiofónicu en trés partes sobre la vida de 'Fritz', tituláu 'Der Patriarch', 'Familienchronik' y 'Der Tag'.
