UVIÉU, 18 d'Avientu (EUROPA PRESS)
Una muyer de 42 años morrió esti xueves nos calabozos de la Xefatura Superior de Policía d'Uviéu. Detuviérala una patrulla de policía llocal sobre les 00.30 hores del día d'ayeri, tres agredir al so padre, según informó la Policía, qu'asegura que la muerte foi por causes naturales.
Según la versión policial, dau l'estáu d'escitación de la detenida, resultó necesariu treslladala al Hospital Universitariu Central d'Asturies nuna ambulancia, onde permaneció custodiada hasta recibir l'alta médica, siendo entós treslladada a comisaría ya ingresada nos calabozos.
Avisada la comisión xudicial y el médicu forense, personáronse darréu nos calabozos pal llevantamientu del cadabre. L'autopsia va determinar les causes exactes del fallecimientu, siendo la primer impresión de los médicos, que morrió por causes naturales.
Les Dilixencies Xudiciales tán tramitándose nel Xulgáu d'Instrucción Númberu 2 d'Uviéu, en funciones de guardia, según la información policial.
