UVIÉU, 29 de Xunetu (EUROPA PRESS)
El poeta y artesanu Felipe Prieto morrió esti martes n'Uviéu a los 73 años d'edá, según comunicó l'asociación Iniciativa pol Asturianu nuna nota prensa.
Prieto formó parte los orixes del movimientu lliterariu llamáu Resurdimientu, perteneció al colectivu Erosión y nomáronlu miembru correspondiente de l'Academia de la Llingua en 1981, añu de la fundación de la Institución.
Los críticos destacaron en numberoses ocasiones l'alta calidá de la so obra, tanto en 'llingua' asturiana como en castellán. Ofreció dellos recitales y formó parte del colectivu Erosión. La so última publicación foi 'Esbilla', una antoloxía de la so obra poética. Como artesanu conocíaselu por rexentar la so tienda-taller Escanda, n'Uviéu.
El so veloriu ta instaláu nel tanatoriu d'El Salvador. El so cuerpu va incinerase esti miércoles a les 10.00 hores.
Iniciativa pol Asturianu tresmitió'l so pésame a la so familia y aprovechó pa reconocer "la importancia de la obra pa la modernización de la lliteratura na nuesa llingua, como parte del movimientu del Surdimientu, dao que yá nos años sesenta escribió les sos primeres obres, onde afondaba en temes sin tratar hasta'l momentu na poesía asturiana".
