MADRID, 27 de Payares (EUROPA PRESS)
Polo menos seis neños morrieron nes últimes hores en naufragando dos embarcaciones d'inmigrantes frente a les costes de Turquía, según informó esti vienres el serviciu de Guardacostes turcu a l'axencia de noticies turca Anatolia.
Cuatro de los pequeños morrieron al entornar la so embarcación con 55 persones a bordu --la mayoría afganos y sirios-- frente a la costa oeste del país.
Estes persones dirixéronse a la isla griega de Lesbos, puntu de llegada de miles d'inmigrantes col agravamientu de la crisis de refuxaos pola guerra en Siria, según declararon los guardacostes.
Hores antes, otros dos neños sirios morrieron al naufragar la so barca, que llevaba a 25 persones cerca de la península de Bodrum. Tratóse de dos hermanos, d'unu y cuatro años d'edá, identificaos como Diven Halil Hussein y Beren Halil Hussein.
