Muerren polo menos 50 persones pol accidente d'un avión nel aeropuertu de Katmandú

Avión estrellado en el aeropuerto de Katmandú (Nepal)
REUTERS
Publicado 12/03/2018 18:37:50CET

NUEVA DELHI, 12 Mar. (Reuters/EP) -

Polo menos 50 persones morrieron pol accidente d'un avión de l'aerollinia bangladeshí US-Bangla Airlines con 71 persones a bordu mentes l'aterrizaxe nel aeropuertu de la capital de Nepal, Katmandú, según un portavoz del Exércitu.

El secretariu conxuntu del Ministeriu de Turismu, Suresh Acharya, indicara primeramente qu'a un total de 25 mancaos evacuáronlos a hospitales de la localidá, ensin dar detalles sobre la gravedá del so estáu nin pronunciase sobre la existencia de finaos.

El portavoz del Aeropuertu Internacional Tribhuvan (TIA), Prem Nath Thakur, detalló que l'avión salióse de la pista mentes l'aterrizaxe y chocó nun campu de fútbol que taba a la vera.

L'aparatu principió quemar depués del accidente, según recoyó'l diariu nepalín 'Kantipur'. Los equipos de rescate del aeropuertu y l'Exércitu trabayen na zona.