UVIÉU, 19 Jul. (EUROPA PRESS) -
El conseyeru d'Infraestructures, Ordenación del Territoriu y Medioambiente, Fernando Lastra, presentó esti xueves el proyectu de futuru pal Muséu del Calamar de L.luarca, que llevó l'agua en febreru de 2014. El muséu nuevu va allugase nos locales de la Confradería de Pescadores y va tar llistu, previsiblemente, en 2020.
Esti xueves el conseyeru axuntóse col alcalde de Valdés, Simón Guardado, pa informar sobre'l proyectu. Depués de la xunta, el Principáu unvió unes declaraciones nes que Lastra asegura que la conseyería va empecipiar los trámites pa sacar a llicitación el proyectu, que va cuntar con un presupuestu de mas de 650.000 euros.
Lastra calcula que se va empecipiar el procesu de llicitación n'agostu. A partir del encargu a la empresa que gane concursu, va poner en marcha la execución de les obres, pa, pel branu del 2020, concluyir les actuaciones. Pa la llicitación del proyectu la Conseyería va destinar 45.000 euros.
La conseyería pretende facer un trabayu dignu" y construyir un "muséu modernu", como demanda'l conceyu, tamién pa sumase a la ufierta turística del conceyu. Na xunta d'esti xueves nun se trato qué órganu va xestionar l'espaciu, dalgo qu'hasta 2014 facía la Coordinadora pal Estudiu y la Protección de les Especies Marines (Cepesma).
