UVIÉU, 01 de Febreru (EUROPA PRESS)
Suburbia Ediciones publica'l númberu 2 de la so colección 'quemando cromo', 'Cuando ensamen les abeyes', novela de historia-ficción del autor Nicolás Bardio sobre les vivencies d'un grupu d'aventureros nun hipotéticu imperiu asturianu de primeros del sieglu XX.
Tratáse, según cuenta la editorial, d'una novela orixinal dientru d'un xéneru que nun ye habitual dientro de la narrativa asturiana. Con un estilu amenu y directo l'autor conduzmos a primeros del s XX cuando l'Imperiiu asturianu s'alcuentra en pleno procesu de destrucción, Santo Olaya, una de les sos últimes colonies llucha pola so independencia. Nesi ambiente d'intrigues polítiques, violencia ya triciones, un grupu d'aventureros asturianos busquen un míticu tesoru.
Nicolás Bardio esplica que "como bon fíu de maestros, tocóme dir cola casa a cuestes d'un llau pa otru d'Asturies: Trubia, Llanera, Llugones, Llanes, Navelgas, París, Uviéu... camiento que teo algo de toos esos sitios, y si foi allá con 12 años en París cuando entamé a facer les mios primeres - y horribles - histories, pocos llugares te marquen tanto como aquél nel que naciste y aquél nel que tán enterraos los tos muertos: Uviéu y La Foz". "Camiento que foi ellí, nes charres de los güelos, onde mamé tol asturianu que sé y qu'ellos emplegaben pa falar d'un mundiu qu'amodo va dexando pasu a otru", señala.