Nuevos documentos desclasificaos revelen que los abusos nes prisiones d'EE.UU n'Irak fueron "sistemáticos"

Reuters

NUEVA YORK, 21 de Payares (EUROPA PRESS)

La principal organización estaounidense de defensa de los derechos civiles, l'Asociación Americana de Llibertaes Civiles (ACLU, poles sos sigles n'inglés), fizo públicos dellos documentos acabantes de desclasificase del Departamentu de Defensa qu'aporten nueves evidencies de que los abusos nos centros de detención norteamericanos n'Irak fueron "sistemáticos".

Los documentos, algamos n'aplicación de la Llei de Llibertá d'Información (FOIA, poles sos sigles n'inglés), revelen tamién que les investigaciones abiertes pol Exércitu estaounidense sobre los abusos n'Irak viéronse dificultaes pola desapaición d'archivos, por interrogatorios erróneos y por problemes de memoria en dalgunos de los testigos.

"Estos documentos aporten más evidencies de que los abusos escontra los prisioneros n'Irak yeren sistemáticamente y nun se llenden a nengún centru de detención o unidá militar en particular", declaró'l director del proyeutu de Seguridá Nacional d'ACLU, Jameel Jafer. Demientres l'Alministración del presidente George W. Bush, manifestó, creóse "una cultural de la impunidá" y un "clima nel que l'abusu taba toleráu hasta cuando nun lu apoyaren espresamente".

"De cara a la próxima entrada d'una nueva Alministración na Casa Blanca, debemos recordar que'l tonu que marquen los altos responsables militares y d'Intelixencia va tener implicaciones mui reales no que pase nos centros de detención estaounidense, nel estranxeru", prosiguió. Poro, la nueva alministración del presidente electu Barack Obama, debe "dexar claro dende lo primero que nun va haber la vista gorda ante les tortures y los abusos", manifestó Jaffer.