WASHINGTON, 14 de Xunu (Reuters/EP)
El presidente d'Estaos Uníos, Barack Obama, ordenó --la primer vez dende qu'empezó'l conflictu siriu-- enviar armes a la oposición al Gobiernu de Bashar al Assad, según informó una fonte cercana al casu.
La fonte, consultada pola axencia de noticies Reuters, nun dio detalles sobre'l tipu d'armes nin sobre cuándo van entregase a los rebeldes sirios.
El viceconseyeru de Seguridá Nacional de la Casa Blanca, Ben Rhodes, anunció esti vienres que la Intelixencia estaounidense "determinó que'l réxime d'Al Assad usó armes químiques, incluyíu sarín, contra la oposición en delles ocasiones l'añu pasáu".
Rhodes esplicó que "l'usu d'armes químiques cambió los cálculos" d'Obama sobre'l conflictu siriu. "El réxime d'Al Assad tien que saber qu'estes acciones lleváronmos a elevar l'algame de l'asistencia qu'aportamos a la oposición", dixo.
Asina, indicó qu'Obama aumentó l'asistencia "non lletal" a la oposición civil y autorizó l'aumentu de l'asistencia al Conseyu Supremu Militar (SMC) "pa fortalecer la so efectividá".
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
.png)