Ocho deteníos al desmantelar dos focos de venta d'h.axís en chigres de Xixón

Hachís intervenido
POLICÍA NACIONAL
Publicado 11/08/2017 18:30:56CET

UVIÉU, 11 Ago. (EUROPA PRESS) -

Axentes de la Policía Nacional desmantelaron dos focos de venta d'h.axís en chigres de la ciudá de Xixón. Na operación policial incutáronse 57 kilogramos d'h.axís, trés vehículos y elementos propios pal pesaxe y distribución de la droga. Fueron deteníes ocho persones, siete homes y una muyer, la mayoría con antecedentes por delitos contra la salú pública.

La investigación empecipió nel mes de marzu arriendes d'informaciones vecinales sobre la posible actividá ilícita que se taba faciendo nun chigre del barriu de Pumarín. Los trabayos policiales desarrollaos na zona, dexaron constatar que nesi chigre taba distribuyéndose h.axís ente los veceros, la mayoría adolescentes o moces que frecuentaben l'establecimientu. Nel intre de les indagaciones llogró identificase a la persona al mandu d' esti negociu que tamién rexentaba otru local nel barriu d'El Llanu dedicáu al mesmu fin.

Los investigadores descubrierosn que la droga yera adquirida a proveedores de Madrid que viaxaben dacuando a Xixón p'abastecer a los locales de la cantidá de sustancia encargada. Una vegada acotáu esti estremu, la operación policial desencadenóse cuando los distribuidores madrilanos se movieron hasta Xixón pa facer la entrega de la sustanza a los sos compradores xixoneses.

Nel momentu del intercambiu fueron deteníes seis persones, los dos aprovisionadores de la capital y cuatro vecinos de Xixón, el dueñu del chigre y otros trés homes que trabayaben pa él, dispuestos a recoyer el pidíu de droga. Nel turismu nel que viaxaben alcontráronse 20 kilogramos d'h.axís nel interior del maleteru.

Nos rexistros efectuaos darréu alcontráronse otros 35 quilos nel interior d'otru vehículu aparcáu nun garaxe propiedá d'unu de los deteníos y nes cases de los arrestaos incautáronse pequenes cantidaes llistes pa la distribución

La operación, llevada alantre pol Grupu d'Estupefacientes de la Comisaría de Xixón, remató cola detención d'otres dos persones, implicaes na rede de distribución al por menor, a consumidores habituales, de la sustancia estupefaciente.

CINCO DE LOS DETENÍOS, A PRISIÓN

El Xuez d'Instrucción encargáu de supervisar la investigación, decretó l'ingresu en prisión pa cinco de los deteníos, que teníen antecedentes por delitos contra la salú pública. Los trés restantes quedaron en llibertá provisional con cargos, ente ellos la pareya sentimental del cabezaleru, dueñu de los chigres, que yera conocedora de l'actividá ilícita de la so pareya y copartícipe de la mesma.

Los axentes solicitaron el zarru de los locales nos que se distribuyía l'h.axís que foi concedíu pola autoridá xudicial quien dispunxo la so inmediata clausura, lo que dexó desmantelar dos focos de venta de droga bien activos na ciudá, según informó la Policía al traviés d'una nota de prensa.

Esta web utiliza cookies propias y de terceros para analizar su navegación y ofrecerle un servicio más personalizado y publicidad acorde a sus intereses. Continuar navegando implica la aceptación de nuestra política de cookies -
Uso de cookies