Los oxetores a Educación pa la Ciudadanía presenten más de 1.500 recursos xudiciales en toa España, 40 n'Asturies

MADRID/UVIÉU, 19 de Payares (EUROPA PRESS)

Los oxetores a l'asignatura d'Educación pa la Ciudadanía y los Derechos Humanos (EpC) presentó 1.562 recursos xudiciales, 54 d'ellos en Cantabria, qu'hasta'l momentu dieron llugar a 159 resoluciones, según un estudiu realizáu pol Área Xurídica de l'asociación Profesionales pola Ética, presentáu güei en Madrid.

Por comunidaes autónomes, Navarra ye la rexón que mayor númberu de recursos acumula (362), siguida de Castiella La Mancha (334), Castiella y Llión (251), Andalucía (180) y la Comunidá Valencia (178).

A muncha distancia, sitúense Cantabria, con 54 recursos, Asturies (40), Aragón (36), Galicia (35), Murcia (16), Canaries (15), Cataluña (13), Baleares (11) y Estremadura (4). Pel contrario, les comunidaes que nun presentaron nengún recursu son Madrid y País Vascu.

Según profesionales pola Ética, los tribunales dictaron 43 sentencies favorables a los derechos de los pas oxetores n'Andalucía (19); Aragón (1) y La Rioxa (23). Aseguren, amás, qu'emitieron 116 autos de midíes preventives --resolución provisional qu'exime a los oxetores d'asistir a clase d'EpC y de sometese a evaluación hasta que se dicte sentencia-- Andalucía, Aragón, Castiella y Llión, Castiella La Mancha y Estremadura.

Per otra parte, según diz, emitiéronse tres sentencies en Teruel y navarra denegatories del derechu a la oxeción a EpC. "Existen otres sentencies, concretamente 30 d'Asturies y 1 de Baleares, que reconocen el derechu de los pas a oxetar, pero fallen a la escontra de dalgunos casos concretos pola falta de pruebes", precisa l'asociación.