UVIÉU/MADRID, 21 d'Ochobre (EUROPA PRESS)
Los estudiantes de la Universidá d'Uviéu protagonizaron esti martes un "paru masivo" motiváu pola güelga convocada pol Sindicatu d'Estudiantes en contra de los retayos y la Lomce. Según esti sindicatu, n'Asturies, Madrid, Comunidá Valenciana y Andalucía son los llugares onde más se siguió nel ámbitu universitariu.
Nos institutos, el Sindicatu afirmó que'l siguimientu de la güelga bazcuya ente'l 80 y 90% nos Madrid, Asturies, Galicia, Comunidá Valenciana, Cataluña, Andalucía, Canaries y Estremadura.
Mientres, el siguimientu ye de más d'un 70% n'Aragón, Castiella-La Mancha, País Vascu, Navarra, Murcia, La Rioja, Cantabria, Castiella-Lleón y Baleares.
"La primer xornada de güelga estudiantil ta recibiendo un apoyu masivo y contundente. Miles d'institutos y decenes de facultaes vacíes son el meyor testimoniu de la determinación de la mocedá pa facer frente a les contrarreformes franquistes del PP, a la obsesión enfermiza de Wert y Montserrat Gomendio na so cruzada por destruyir la educación pública", señalen dende'l Sindicatu d'Estudiantes.
Esti siguimientu, según precisa, va ser el preludiu de les más de 100 manifestaciones estudiantiles convocaes pa esti miércoles en toa España.
