El paru n'España quedó n'avientu más de diez puntos penriba de la OCDE

PARIS, 8 de Febreru (EUROPA PRESS)

La tasa de paru de la Organización pa la Cooperación y el Desarrollu Económicu (OCDE) caltúvose n'avientu'l tercer més siguíu nel 8,8%, mientres que'l desemplegu n'España sigue siendo'l más eleváu de tolos países, miembros de la organización, con una tasa del 19,5%, según informó la institución nun comunicáu.

La tasa del desemplegu d'España, qu'aumentó una décima con respeuto a payares, ta penriba de los datos d'Eslovaquia (13,6%), o d'Irlanda (13,3%), segundu y tercer país miembru de la OCDE con mayor tasa de paru. En comparanza con avientu del 2008, la tasa de desemplegu creció n'España 4,7 puntos porcentuales, la segunda mayor subida de la OCDE, dempués d'Irlanda, onde'l paru aumentó en cinco puntos porcentuales en términos interañales.

D'otru llau, la tasa de paru de la zona euru aumentó una décima nel mes d'avientu con respeuto a payares, hasta'l 10%, tasa que tamién rexistró nel últimu mes del añu Estaos Uníos, onde'l datu nun varió con respeuto al mes anterior. En términos interañales, la tasa de desemplegu aumentó 1,8 puntos porcentuales na eurozona y 2,6 puntos porcentuales nel país norteamericanu.

Ente les principales economíes euroees, el paru caltúvose n'avientu nel 10% en Francia y nel 7,5% n'Alemaña. N'Italia la tasa de desemplegu aumentó dos décimes con respeuto a payares, hasta'l 8,5% y 1,5 puntos porcentuales en comparanza al mesmu del 2008.