ROMA, 7 de Xineru (EUROPA PRESS/G. Moreno)
La petrolera italiana Eni informó güei de que ta rexistrando una "importante interrupción del gas" procedente de Rusia de magar la 1.00 d'esta madrugada, según comunicó al traviés d'una nota prensa.
Rusia tamién cortó dafechu esta mañana'l suministru de gas a Rumanía, República Checa y Eslovaquia. Nel orixe d'esta decisión tán les controversies ente les autoridaes ruses y ucranianes sobre los precios del productu, que yá ocasionaron crisis asemeyaes nel pasáu.
El conseyeru delegáu d'ENI, Paolo Scaroni, encamentó a que s'alcuentre una solución a la crisis lo primero posible. Sicasí, aseguró que "la política d'espardimientu de los aprovisionamientos" va permitir a Italia gozar de "una seguridá enerxética en llinia o superior a la d'otros países europeos".
Eni entamó a adoptar esta política de previsión nel iviernu del 2006 con vistes a la repetición d'esti tipu de crisis, según esplicó'l mesmu Scaroni.
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
.png)